Masuuliyiin ka tirsan Hirshabelle oo Saakay gaaray Buundada Ceel gaal ee Gobalka Hiiraan:

Allmareeg.com: Wararka ka imaanaya Gobalka Hiiran ayaa sheegaya in Masuuliyiin ka tirsan maamulka Hirshabelle ay Saakay gaareen Buundada Ceel gaal ee Gobalka Hiiraan

Buundada Ceel Gaal ayaa dhawaan bur burtay, kadib markii uu saameyn ku yeeshay daadadka  roobkii ka da’ay Deegaano ka tiran Gobalka Hiiraan.

Masuuliyiinta saakay  tagay Buundada Ceel Gaal ayaa waxaa ka mid ah Guddoomiyaha Gobalka Hiiraan, Guddoomiyaha degmada Beledweyne iyo xubno kale.

Sababta ay u tageen Buundada Deegaanka Ceel Gaal ayaa waxaa ka mid ah sidii ay u qiimeyn ugu sameeyn lahaayeen halka ay ka go’day Buundada iyo dayactirka ka socda Buundadaasi.

Guddoomiyaha Gobalka Hiiraan ayaa la filayaa in saacadaha soo aadan uu la hadlo warbaahinta, isagoona faahfaahin ka bixi doono qorsha ay maamulka Hirshaabelle ka damacsan yihiin Buundadan iyo tilaabada xigta ay qaadi doonaan, sida ey inoo xaqiijiyeen masuul yiin wafdigaa lasocda.

Contact: Xafiiska Shabakada Allmareeg.online London, UK

Email : Allmareeg@gmail.com / Tel ÷447984240403